“Në shtator nisim fushatën elektorale, e cila do të mbyllet me fitorën e zgjedhjeve dhe hapjen e nje kapitulli te qeverisjes për qytetarët dhe me qytetarët”, kumtoi kreu demokrat Basha, pas një takimi me kupolën e lartë të PD-së, ku u miratua përbërja e Komisionit të Vlerësimit të kandidatëve të PD.
Duke marrë në konsideratë faktin se zgjedhjet e ardhshme do jenë në maj, referuar deklarimit të Bashës, PD do bërë plot 9 muaj fushatë.
“Emrat e propozuar nga anëtarësia përbëjnë një korpus të rëndësishëm për administrimin e qeverisjes që shqiptarët do t’i besojnë PD-së dhe aleatëve të saj në zgjedhjet e ardhshme. Përmes ketij procesi, ne kemi të identifikuar jo vetëm ata që do të përzgjidhen për kandidatë për deputetë, por edhe drejtues të qeverisjes vendore, këshillave bashkiakë dhe qeverisjes qendrore. Më të mirët e më të mirëve për të sjellë ndryshimin që presin shqiptarët, zhvillim dhe punësim”, u shpreh Basha.
Ai tha se “muaji gusht do të jetë muaj pun intensive”.
“Krahas përzgjedhjes së kandidatëve, ne do të finalizojmë programin qeverisës të vendit; do të ngremë strukturat drejtuese të fushatës elektorale dhe organizojmë partinë për zgjedhje, duke nisur nga qendra e votimit e deri tek selia qendrore në Tiranë”, theksoi i pari i opozitës.
Diskutime rreth kësaj post