Kreshnik Spahiu: Ja çfarë do të thotë Lulzim Basha pas humbjes së zgjedhjeve në 2021

Partia Demokratike mblodhi sot Kryesinë dhe Këshillin Kombëtar, të cilët vendosën për ngritjen e Komisionit të Vlerësimit të Kandidatëve.

Pak para nisjes së mbledhjes së strukturave të larta, PD zbardh emrat e Komisionit të Vlerësimit të Kandidatëve për deputet, të cilët do të bëjnë vlerësimin dhe shqyrtimin e kandidaturave të propozuara nga anëtarët e PD-së në të gjithë vendin si kandidatë për deputetë në zgjedhjet e ardhshme.

Bujar Nishani, Genc Ruli, Besnik Mustafaj, Enriketa Papa dhe Mark Marku janë 5 anëtarët e Komisionit të Vlerësimit të Kandidatëve.

Por ish-kreu i Aleancës Kuq e Zi, Kreshnik Spahiu është i bindur se kryedemokrati Lulzim Basha do të humbë zgjedhjet dhe si justifikim për këtë humbje do të fajsojë komisionarët.

Shkrimi i Spahiut:

“Basha 2021:

Fajin për humbjen se kam unë,

por komisioni Ruli, Nishani, Mustafaj”, shkruan Kreshnik Spahiu.