Kryeministri Rama: Ndryshimet kushtetuese u bënë në kohën e duhur! Ja risia që do sjellin në procesin zgjedhor

Kryeministri Rama u shpreh i bindur se ndryshimet kushtetuese ishin gjëja e duhur që duhej bërë, dhe u bënë në momentin e duhur.

“Sigurisht që ky ishte momenti kur këto mund të bëheshin dhe u bënë dhe patjetër që ishte gjëja e duhur. A mund të ishin bërë më parë?

Sigurisht nëse do të ishin kushtet, por kushtet u krijuan së fundmi dhe ne bëmë më të mirën për t’i shfrytëzuar për të sjellë një risi të rëndësishme kushtetuese që i hap rrugën pjesëmarrjes së qytetarëve në procesin zgjedhor me një zë më të fortë, pasi nuk do të zgjedhin vetëm partinë që duan, por edhe deputetin”, tha Rama për Report Tv.