Deputeti i opozitës parlamentare, Erion Piciri në seancën e sotme plenare, votoi kundër ndryshimeve Kushtetuese, të cilat sjellin implementimin e listave të hapura dhe ndryshimin e koalicioneve parazgjedhore.
Gjatë fjalës së tij, Piciri argumentoi se përse ai votoi kundër ndryshimeve Kushtetuese, ku ndër të tjera tha se sipas tij, në parlament duhet të jenë të pranishëm 90 deputetë dhe jo 140 sa janë aktualisht.
“Janë shumë elemente që kam votuar kundra, që në fillim të ndryshimeve unë besoj se parlamenti nuk ka nevojë për 140 deputetë por për 90, në këtë formë ne paguajmë më pak dhe rrisim produktivitetin e parlamentarizmit. Elementi i dytë ka lidhje me faktin që ruhet proporcionali rajonal, që mundëson deformimin e botës.
Unë mendoj se ne na duhet një proporcional i pastër kombëtar dhe i prag natyral, sepse thelbi i ndryshimeve Kushtetuese edhe elektorale është që të kemi mundësi që voton e drejtpërdrejtë të qytetarëve shqiptar ta përkthejmë në mandate Kuvendi.” u shpreh Piciri.
Diskutime rreth kësaj post