Një ekip i Task Forcës së Emergjencave Civile Italiane, i përbërë nga 6 ekspertë, do të vijë sot në Tiranë dhe do të zhvillojë veprimtari konsulence dhe do të ndihmojë me qëllim formimin e veçantë të homologëve shqiptarë për çështje që kanë të bëjnë me aspektin shëndetësor specifik në diagnostikimin dhe luftën ndaj Covid.
Ekipi i ekspertëve italianë do të qëndrojë për 14 ditë në Shqipëri dhe bashkë me të do të vijë edhe një sasi prej 500.000 maskash kirurgjikale të llojit II, dhuratë e strukturës së Komisarit të Jashtëzakonshëm Arcuri.
Pas ndihmës që Shqipëria i ofroi Italisë me dy grupe mjekësh dhe infermierësh, gjatë momentit më të vështirë të pandemisë së koronavirusit, duket se ka ardhur kohë që vendi fqinj të “na kthejë nderi” me rritjen e shifrave të të infektuarve gjatë javëve të fundit.
Diskutime rreth kësaj post