Debati për listat e hapura dhe koalicionet, Bylykbashi flet hapur: Nëse ndodh kjo gjë do të kthehemi në pikën zero

Përfaqësuesi i Partisë Demokratike në Këshillin Politik për reformën zgjedhore, Oerd Bylykbashi tha ‘Në Fokus’ se në rast se me 30 korrik miratohen ndryshimet kushtetuese atëherë do kthehemi në pikën zero.

Më konkretisht ai deklaroi: “Nëse shkelen parimet kushtetuese nga këto ndryshime do kthehemi në pikën zero politikisht, ndërsa në aspektin teknik do jetë një kundërshtim me rekomandimet e ODHIR-it. Ato thonin që sistemi do thjeshtuar. Do komplikohet sistemi i zgjedhjeve në mënyrë shumë të madhe. Kjo ndikon edhe te procesi i numërimit, që është më i vështirë.”

Më tej Bylykbashi u tregua i qartë duke thënë se kushti i vetëm për bashkpunim është mos prekja e koalicioneve zgjedhore, që pritet të hiqen nga ndryshimet kushtetuese.

“Kushti jonë është i qartë dhe ndërkombëtaret po ashtu e kanë bërë të qartë, për kualicionet. Kjo Nuk duhet që kryeministri të prek koalicionet, ndërsa listat le të hapen 100%. Janë dy gjëra të shkëputra nga njëra-tjetra, por që mbijetojnë sëbashku. Rama ka vendosur të shkatërrojë traditën 30-vjeçare të koalicioneve”, tha Bylykbashi.