Ish-deputet i Partisë Demokratike Ervin Salianji, deklaroi se Partia Demokratike pret vetëm miratimin e Marrëveshjes së 5 Qershorit.
“Kalimi i Marrëveshjes së 5 Qershorit pritet nga ne, shqiptarët dhe ndërkombëtarët. U deshën 6 muaj për të rregulluar vetëm një aspekt, që ishte administrimi i zgjedhjeve. Imagjinoni se sa kohë duhet për hapjen e listave. Duhej diskutuar shumë kohë më parë, për t’i dhënë mundësi qytetarëve që të zgjedhin sistemin.
Kjo që propozohet sot nga Rama nuk është hapje listash, por tallje me qytetarët sepse prapë fituesit zgjidhen nga Rama, ndërkohë që halli i tij është ndalimi i koalicioneve. Nuk mundet që kjo gjë të bëhet 6 muaj para zgjedhjeve dhe pa konsensus. PS-ja ka qenë kundër listave të hapura në diskutimet që u bënë në Këshillin Politik. Kur nuk u pranua atëherë, nuk ka sens të kthehet sot. Sot duhet kaluar Marrëveshja e 5 Qershorit, siç kanë thënë ndërkombëtarët”, – tha Salianji.
Ku iu vu në dukje se kryeministri është shprehur se duhet të dëgjojë edhe opozitën parlamentare pasi është ajo që do ta votojë marrëveshjen, Salianji u shpreh:
“Opozita parlamentare kontrollohet nga kryeministri, përjashto 2-3 deputetë. Ata bëjnë çfarë u thotë Rama. Numri për të miratuar Marrëveshjen e 5 Qershorit arrihet, por e gjitha kjo është lojë e Ramës nga frika e tij për t’u përballur në zgjedhje dhe për të hapur negociatat. Në Parlament është vetëm Rama dhe numri është i arritshëm. Por, halli është te frika që ka Rama për zgjedhjet. Ne nuk kemi shqetësim sepse zgjedhjet do t’i fitojmë me çdo formë”, – tha ai për A2.
Diskutime rreth kësaj post