Pedagogu i njohu dhe ish kreu i PD në Gjirokastër, Roland Bejko, komentoi deklaratën e Ramës, i cili u shpreh sot se është gati që nismën e ndryshimeve kushtetuese ta diskutojë në Këshillin Politik, ndërsa ftoi Bashën dhe Metën që të ulen së bashku në një tryezë.
Ai tha se vihet re një tërheqje e Ramës, por shtoi se kjo qasje ka një hile të brendshme. Sipas tij, Rama tenton të krijojë një konfuzion mbi çdo akt politik, që sipas tij ka si qëllim të zhbëjë marrëveshjen e 5 qershorit.
“Një tërheqje pas e Ramës, por prapë e ka një hile. Ramës i intereson të krijojë një lloj konfuzioni në të gjithë aktet politike që të ndërmerren për të humbur qartësinë e asaj që u realizua në 5 qershor. Nëse Rama thotë që të vijë Basha dhe Meta në Këshillin Politik, pikërisht ky është konfuzioni që krijon, sepse anëtarë të Këshillit Politik nuk janë as presidenti dhe as kreu i opozitës.
Këshilli Politik e ka mandatin e vet dhe është në nivelin teknik. Tagrin për të marrë vendime se si do të operohet me ndryshimet e Kodit Zgjedhor, i ka vetëm Këshilli Politik. Këshilli Politik e ka kryer detyrën e tij. Fakti se Rama po kthehet mbrapsht në këtë gjë, do të thotë që kërkon t’i bjerë murit me kokë. Kjo është një zhbërje e marrëveshjes së 5 qershorit. Sekretari i PD-së, Gazment Bardhi ka argumentuar qartazi se si Rama kërkon të zhbëjë marrëveshjen e 5 qershori”, shtoi ai.
Diskutime rreth kësaj post