Ish-zv.ministrja e Jashtme Edith Harxhi, tha se kryeministri Edi Rama nuk e ka ngritur çështjen sepse i do listat e hapura, por sepse frikësohet nga koalicionet, dhe po i përdor si një bingo.
“Mendoj se listat e hapura janë një detyrim madhor i politikës dhe i politikanëve shqiptarë në këto momente. Për këtë arsye mendoj se palët duhet të riulen në tryezë dhe të ridiskutonin. Por në asnjë mënyrë një votim të njëanshëm, pa marrë një konsensus, duke pasur parasysh se mund të dëmtonte integrimin e Shqipërisë.
Gjithsesi, na ka ardhur koha që të pranojmë një të vërtetë. Nuk mendoj se kryeministri Rama po bën të gjithë këtë çështje sepse ai i dëshiron listat e hapura. Mendoj ashtu si të gjithë, që ai është i frikësuar nga koalicionet, dhe listat e hapura kanë qenë një bingo për të në këto momente, pasi janë të dëshirueshme në popull”, tha ajo për Ora News.
Diskutime rreth kësaj post