Ish-ministri i Jashtëm në qeverinë ‘Berisha’, Besnik Mustafaj ka komentuar situatën politike në vend me miratimin nga Komisioni i Ligjeve të hapjes pjesërisht të listave dhe heqjes së koalicioneve parazgjedhore. Sipas tij, heqja e koalicioneve parazgjedhore “do të shkaktoj një tërmet të madh në politikën shqiptare”.
“Për herë të parë në këto 7 vjet ndërkombëtarët janë shumë të qartë në mbështetje të një qëndrimi të opozitës sikurse është rënë dakord në janar, votimi i marrëveshjes pa asnjë ndryshim në seancën plenare.
Ne nuk po zbulojmë si shqiptarë për herë të parë se Rama nuk është njeriu i marrëveshjeve.
Në biografinë e tij politike Edi Rama ka shumë arritje dhe dështime, por asnjë marrëveshje. Në 2017 u shkel marrëveshja me të dyja këmbët.
Po fillon prishja e atmosferës së zgjedhjeve. Po fillon një krizë e një cilësie të re tani në prag të zgjedhjeve, e cila sjell një demokraci jo liberale.
Goditja që mund të marrë marrëveshja e 5 qershorit do të thotë që atmosfera elektorale është e një cilësie shumë jo të mirë.
Ndërtimi i sistemit me lista të hapura dhe prishja e koalicioneve nuk duhet të bëhej tani, por para dy vjetëve. Kjo i çon partitë e vogla drejt shkrirjes, pasi ato apo drejtuesit e tyre nuk janë të pregatitura mendërisht për këtë gjë. Nuk janë ndërtuar instrumentet e duhura për të bërë këtë ndryshim tani afër zgjedhjeve.
Heqja e koalicioneve do të shkaktojë një tërmet shumë të madh në politikën shqiptare. Pavarësisht se ndërkombëtarët e kundërshtojnë, duke parë vendosmërinë e Edi Ramës… Kjo po bëhet nga Edi Rama për të ruajtur pushtetin e tij politik”, ka thënë analisti Mustafaj për News24.
Diskutime rreth kësaj post