Astrit Patozi nxjerr zbuluar qëllimet e fshehta politike dhe ngre alarmin për çështjen e rëndësishme

Kreu i Partisë Bindja Demokratike, Astrit Patozi përmes një postimi në rrjete sociale ka ngritur shqetësimin se referendumi për listat e hapura të bëhet, por duhet që dikush të mbrojë mbylljen e tyre.

Postimi i plotë:

“QË TË KETË REFERENDUM, DUHET TË KETË KUNDËRSHTARË

Këtë dashurinë, që ka shperthyer për referendumet, e kam shumë të qartê se nga vjen. Ndoshta edhe nga fakti se në Shqipëri janë bërë shpesh dhe kanë zgjidhur punë ato, që nga viti 1998, kur u miratua kushtetuta.

Por problemi është se që referendumi për listat e hapura të bëhet, duhet që dikush të mbrojë mbajtjen e tyre mbyllur.

Dhe deri tani nuk ka dalë asnjë “trim” që t’i marrë përsipër listat e mbyllura, që të paktën të kishte kauzë referendumi.

Të mos hyjmë fare pastaj në teknikalitete, që duhen 28 deputetë apo 2/3 e parlamentit për ta vënë në lëvizje dhe për ta çuar në dorë të popullit këtë vendimmarrje.

Dhe të gjithë e dimë parimin e shenjtë juridik, se kur nuk ka padi nuk mund të ketë çështje.”, – shkruan Patozi.