Voltana Ademi bën lëvizjen e papritur, kërkon rikthimin e Jozefina Topallit, zbulohen emrat e tjerë që propozoi anëtarësia e PD

Mësohet se kryebashkiakja e Shkodrës Voltana Ademi ka kërkuar rikthimin e një prej figurave më të hekurta të së djathtës, Jozefina Topalli.

Gjithashtu, mësohet se kërkohet edhe rikthimi i ish-ministrit Besnik Mustafaj në Tiranë apo Bujar Leskajt në Vlorë.

Mes emrave të propozuar janë edhe regjisori Robert Budina apo analisti Agron Gjekmarkaj për qarkun e Lezhës.

Gjithashtu, dukqenëse në zgjedhjet e 2017-ës të rinjtë e PD mbetën pa përfaqësim në Parlament, këtë herë është propozuar emri i Belind Këlliçit.

Megjithatë të gjitha këto janë në rafshin e propozimeve që ka bërë anëtarësia dhe mbetet për t’u parë në vazhdim se cilët do të jenë emrat në listën finale.