Prej 1 deri më 14 korrik në 19 bashkësi lokale të rajonit më të gjerë të Lisbonës do të jenë në fuqi masat e jashtëzakonshme për shkak të pandemisë me koronavirusin e ri, bëri të ditur qeveria portugeze.
Banorët e disa pjesëve të kryeqytetit portugez, mes të cilët edhe nga qendra e qytetit, do të mund të dalin nga shtëpitë vetëm për të blerë ushqime dhe medikamente të domosdoshme dhe për të shkuar dhe kthyer nga puna.
“Mënyra e vetme dhe efikase për vënien e pandemisë nën kontroll është të qëndroni në shtëpi, ndërkaq kur kjo nuk është e mundur, të mbahet distancë fizike dhe pa përjashtim të zbatohen të gjitha standardet higjienike”, theksoi kryeministri portugez, Antonio Kosta.
Kush thyen rregullat gjobitet deri në 500 euro.
Në Portugali deri më tani janë shënuar 40.415 raste me koronavirus. 26.382 pacientë janë shëruar, kurse 1549 raste kanë përfunduar me fatalitet. Për momentin, ka 12.484 raste aktive me Covid-19.
Diskutime rreth kësaj post