Pandemia e Covid-19, Eugena Tomini tregon skenarin më të keq për Shqipërinë

Shefja e Epidemiologjisë në Institutin e Shëndetit Publik, Eugena Tomini tregoi pragun maksimal të të shtruarve në terapi intensive, që mund të përballojë pa vështirësi sistemin ynë shëndetësor.

“Kapacitetet shëndetësore aktualisht janë në alert, ne kemi rreth 550 shtretër sa i takon kapaciteteve për COVID-19. Këto janë mbështetje sa i takon asistencës së personave që do të kërkojnë trajtim spitalor.

Janë shtuar respiratorët, të cilat janë në ndihmë të personave që do të kërkojnë oksigjeno-terapi apo trajtim reanimator. Intervali i personave që duhet të jenë në terapi intensive është nga 20-25 persona. Nuk janë vetëm kriteret e rritjes së rasteve, por varet edhe nga kapacitetet shëndetësore për të përballuar fluksin”, – tha ajo.