Dy kushtet e opozitës! Rudina Hajdari nuk tërhiqet dhe ‘kërcënon’ mazhorancën

Pas përfundimit të mbledhjes së Komisionit për Reformën Zgjedhore, deputetja Rudina Hajdari ka zbulon disa detaje se çfarë u diskutua. Hajdari tha se ndryshimi i sistemit dhe hapja e listave janë tashmë beteja që opozita ka në parlament sepse kanë votat.

“Opozita parlamentare u anashkalua nga marrëveshja. Duhet të ishte trajtuar hap pas hapi çdo lloj pike e asaj marrëveshje.

Anashkalimi ka sjellë një tension të lartë dhe jemi në këtë pikë. Ajo që është me rëndësi si opozitë, është fakti se kemi shpallur si luftë kryesore në këtë komision për reformën zgjedhore, ndryshim të sistemit dhe hapjen e listave.

Ne kemi votat dhe do e çojmë deri në fund në Kuvend. Është betejë e qytetarëve shqiptarë që të përfaqësohen denjësisht në Kuvend. Partitë politike nuk duhet të kenë frikë nga hapja e listave e ndryshimit të sistemit.”, tha Hajdari.