Deputet i opozitës parlamentare Korab Lita, deklaroi se marrëveshja për Reformën Zgjedhore nuk mund të bëhet institucionale në momentin që është realizuar jashtë institucioneve.
“Kryeministri e ka bërë këtë marrëveshje jashtë institucioneve, prandaj nuk bëhet dot institucionale në këtë formë që është. Ne jemi të gjithë në unison sepse jemi të ndërgjegjshëm se hapja e listave është ajo që duan qytetarët. Hap pas hapi, në bazë të gadishmërisë ose jo të kryeministrit, ne do të ndërmarrin veprimet tona”, – tha Lita për A2.
Kur u pyet mbi mundësinë e blerjes së deputetëve për ta miratuar në Parlament këtë reformë, Lita u shpreh:
“Nuk e menaxhoj dot këtë lloj fushe, unë kur bëj pazar blej vetëm ushqime për familjen. Unë di të them se opozita përlamentare është e bashkuar për të mos miratuar asnjë marrëveshje, por është në dispozicion për miratimin e një Reforme Zgjedhore. Kanë 30 vite shqiptarët që ushqehen me marrëveshje dhe pseudoreforma”.
“Kryeministri po e kupton që nuk mundet më që të vazhdojë me bisedime jashtë institucioneve. Sado të shkatërruara janë institucionet tona, përsëri asgjë që është jashtë tyre nuk mund të jetë e ligjshme. Kryeministri nuk i harron kollaj dashuritë e vjetra dhe me opozitën jashtëparlamentare e ka vërtetuar që ka dashuri. Sidomos në muajin maj e kanë muajin e tyre të dashurisë”, – u shpreh deputeti.
Diskutime rreth kësaj post