Dokumentari i gazetarit shqiptar Marin Mema dhe historianit Florent Hasani, “Mashtrimi serb me objektet e kultit të krishterë në Kosovë” ka ngjallur reagime të shumta në Serbi.
Politikanë, historianë, gazetarë e opinionistë të ndryshëm në Serbi kanë reaguar ashpër, duke e konsideruar si “propagandë”.
Gjatë një interviste për emisionin “Pasdite” në “RTV Dukagjini”, Mema tha se dokumentari flet për objektet e kultit në Kosovë e që sot janë uzurpuar nga serbët. “Dihet se ato objekte e kanë gjenezën e tyre, u përkasin shqiptarëve. Këtë e thonë edhe dokumentet e shumta edhe të autorëve të huaj”.
Mema tha se sllavët kanë arritur të manipulojnë gjërat dhe këto objekte sot para opinionit ndërkombëtarë i konsiderojnë si të tyre. Autori i emisionit “Gjurmë Shqiptare” thotë se dokumentari në fjalë u dhemb serbëve, pasi ai është ndërtuar mbi dëshmitë e historianëve të respektuar dhe dokumenteve të pakontestuara.
“Ne po tregojmë të vërtetën. Këto janë të dhëna të vërteta dhe gjithkush nëse hulumton e sheh të vërtetën. Dokumentet thonë se Patriarkana e Pejës, Manastiri i Deçanit apo Manastiri i Graçanicës kanë rrënjë iliro-arbërore dhe janë ndërtuar 800 vite para se sllavët të pranonin krishterimin”.
Mema thotë se për sllavët është më e vështirë që dokumentari u bë edhe me titra në gjuhën angleze. “Sllavët janë mësuar ta bëjnë historinë ashtu siç duan. Kjo është arsyeja pse ata kanë reaguar aq masivisht”.
Mema thotë se për fat të keq nuk ka pasur reagime nga institucionet shqiptare në Kosovë apo Shqipëri pas reagimeve masive nga pala serbe.
VIDEO:
Diskutime rreth kësaj post