Kryetarja e Bashkisë së Shkodrës Voltana Ademi ishte e pranishme në mbledhjen e sotme me Task Forcën për Turizmin bashkë me ministrin Blendi Klosi dhe ministrin e Brendshëm Sandër Lleshaj.
Ajo reagoi ashpër ndaj vendimit të qeverisë se deri më 15 nëntor do të bëhet plazh.
Kjo sipas Ademit është e pamundur.
“Më 15 nëntor është e pamundur të bëhet plazh në Shkodër. Më 15 nëntor, sa parashikohet në ligj, nuk mund të bëhet plazh, se jemi me pallto. Ne duhet të mendojmë për lehtësi dhe jo për ngarkime të mëtejshme”, – shtoi ajo.
Ademi ka thënë se në Shkodër s’ka asnjë kontratë për stacionet e plazhit, dhe se problematike ajo shikon kohëzgjatjen e tyre. Sipas saj stacionet janë shumë të vogla, me 10 metër larg bregut të detit.
Ndërkaq ajo thekson se “kohëgjatësia e kontratave është shumë e gjatë, pasi deri me 15 nëntor sipas saj është e pamundur të bëhet plazh në Shkodër sepse bie borë”.
“Procedura është pak e paqartë… Në Shkodër ne s’kemi asnjë kontratë për staconet e plazhit. Çështja lidhet me kohëzgjatjen në stacionet e plazheve. Stacionet janë shumë të vogla. Me 10 metër nga bregu i detit. Për shkak se ka një historik të përdorimit në hotele, është e vështirë zbatimi në territor, pasi një biznes ose një tjetër nuk e njeh territorin…
Vendimarrja që merret në ministri apo nga grupi i përcaktuar që unë nuk e di se kush është. Kohëgjatësia e kontratave është shumë e gjatë. Deri me 15 nëntor është e pamundur të behet plazh në Shkodër sepse bie borë. Sepse nuk ka plazh me 15 nëntor. Dhe nga ana tjetër në kushtet e një pandemie në duhet të luftojmë për lehtësi dhe jo ngarkesë fiskale”, – tha Ademi.
Diskutime rreth kësaj post