Deputeti i opozitës së re parlamentare Kostaq Papa njoftoi sot ne Kuvendin e Shqipërisë se do të largohet nga grupi demokrat. Në fjalën e tij në Kuvend, ai ka thënë se ka kërkuar dorëheqjen e nënkryetares së Kuvendit, deputetes së PS-së, Vasilika Hysi, të cilën e akuzoi për censurim të fjalës së tij, të paktën në 3 raste.
Ndërkohë qe akuzoi për pseudodemokraci grupimin demokrat dhe tha se për përfitime personale duan të veshin veprimet jo korrekte të shtetit me fasadë.
“E lëshoj grupin parlamentar dhe jap dorëheqje prej tij duke i lënë paudhësitë politike, duke i falënderuar për bashkëpunimin po i lë në pseudodemokracinë e tyre që paraqesin të fshehur realitetin. Nuk kam ndërmend të merrem me asnjërin realisht as me prezantime fiasko papagalli por me fenomene politike dhe fshehjen që duan t’i bëjnë demokracisë dhe fasadës që duan të veshin veprimet jo korrekte të shtetit për përfitime personale, më falni për fjalën për bythëlëpirje”, – deklaroi Papa.
Në përgjigje të tij, kreu i Kuvendit Gramoz Ruci, theksoi se “Lidhur me atë që thatë për nënkryetaren nuk ndaj të njëjtin mendim, por është e drejta jote nëse ke vërejtje për mua apo zëvendësen, rregullorja është e qartë drejtoju institucioneve të parlamentit të marrin masa nëse e shohin të arsyeshme. Sa për ikjen nga grupi është e drejta juaj ku të futeni ku të dilni”.
Diskutime rreth kësaj post