Seanca e sotme e Kvuendit ka nisur me interpelancën e thirrur nga disa deputetë të opozitës ndaj kryeministrit Rama për çëshjten e teatrit. Deputetja Rudina Hajdari parashtroi interpelancën duke akuzuar kryeministrin se me shembjen e teatit kishte bërë një akt barbaresk dhe shtoi se ai synonte truallin dhe jo godinën e teatrit.
Sipas Hajdarit, kryeministri Rama kërkon të favorizojë miqt e tij me truallin e teatrit.
Në fund të fjalës së saj Hajdari tha se Rama do të mbahet mend si Nikola Gruevski i cili siç tha ajo rrafshoi qendrën e Shkupit për të ndërtuar vepra të pakuptimta.
“E nisa 17 majin duke lexuar titujt e mediave prestigjoze ndërkombëtare. Le mond thonte që kryeministri kishte kryer një akt barabresk, Nju Jork Tajms thonte se e kishte shembur ne menyre barabare. Reauters thonte që ky kryeministër vijonte të zgjonte zërat e zemëruar në sheshet e tiranës duke i Trajtuar si barbar duke shembur atë godinë që e donin me shpirt. Keni 7 vite si kryeministër dhe ke një botë të tërë që po sheh fyryën tënde të vërtetë barbare, duhet t’ju kujtoj se keni patur një obsesion me truallin jo me teatrin. Doni atë truall në mes të tiranës prandaj e shembët. E shembët sepse kërkoni të ndërtoni kulla. Thoni sikur po bëni një Tiranë të bukur me kulla që do modernizojnë tirnanën.
A nuk e dimë ne që këto klulla nuk është në gjendje që ti blejë njeri. Ju doni të kënaqni shokët e juaj. Ju vazhdoni të abuzoni me pushtetin tuaj. Ajo që më surprizon më shumë është se deri ku shkoni ju për të marrë këtë truall. Ju thoni se do e bëni me paratë tuaja ndërkohë që bashkia thotë se nuk i ka këto para. Si do ta bëni? Më e keqja e shembjes ka qenë ajo ora 4 e 30 e mëngjesit. Në momentin që teatrit u shkatërrua ka patur njerëz në godinë. Keni bërë tentativë për vrasje, nuk keni pyetur për asnjëri. Si erdhën urdhrat, si ka qenë zinxhiri i urdhrave? Kullat e tiranës është fakt, rrafshimi i tiranës është fakt, pabarazia është fakti, ju jeni kthyer në një Nikola Gruevski që sheshoi qendrën e Shkupit dhe ndërtoi një sërë veprash të paktuptimta. Do mbaheni mend për vepra të tilla.“ – tha Hajdari.
Nga ana e tij kryeministri Rama e shfrytëzoi fjalën e tij për të lexuar reagimet e disa artistëve për çështjen e godinës.
“Unë i kam mbaruar fjalët e mija për Teatrin nuk kam asgjë për të thënë. Do shfrytëzoj kohën time që të lexoj fjalët e atyre që e kanë bërë teatrin, atyre që janë teatri dhe që nisën protestën të teatrit. Në atë protestë kanë qenë të gjithë anëtarët e komunitetit teatror. Në krye nuk ishin dy Budina por Robert Ndreknika dhe Arben Derhemi, po vazhdojë ti jap përgjigje zonjës Hajdari dhe të gjithëve që janë të lënduar për teatrin duke përcjellë besnikërisht fjalët e protestuesve të vërtetë jo të aktorëve politk që luajnë teatrin e tyre. Me protestuesit e vërtetë është zhvilluar dialog si për asnjë cështje më parë në historinë e këtij vendi.“, – tha Rama teksa vijoji të lexonte reagimet e artistëve.
Diskutime rreth kësaj post