Mjeku infeksionit Gent Stroni shprehet se mundësia e përhapjes së koronavirusit në det është shumë e vogël. Në një intervistë për ABC News, Stroni theksoi se nëse një person i infektuar futet për tu larë në det, sado që të kollitet deti ka aftësi të hollojë ngarkesën e pjesës virale.
“Nëse do diskutojmë për pjesën e detit. Studimi i fundit në Itali doli me këtë gjë për çështjen e ujit të detit probabiliteti i infektimit është i vogël. Ne pretendojmë të kemi një person të infektuar që do futet për tu larë, sado që ai të kollitet, deti ka aftësi të hollojë ngarkesën e pjesës virale. Pra në ujë ngarkesa e virusit të shpërndahet. Në Shqipëri ne kemi raste që në det nuk është shumë e mirë.
Deti nuk arrin të transmetojë një pjesë të madhe mikrobike. Megjithatë deti arrin të bëjë një shpërndarje të ngarkesës mikrobike në këtë rast, përfshirë viruset”, – u shpreh mjeku.
Më tej Stroni theksoi se distancimi social nuk po respektohet. Sipas tij qytetarët duhet të ishin ndërgjegjësuar edhe më shumë.
“Distancomi nuk po respektohet. Në njëfarë mënyre u lodhën. Pas kalimit të karantinës orientimi do të duhej të ishte që secili prej nesh duhet të jetë i ndërgjegjësuar. Secili prej nesh është një kontingjent i prekshmërisë”, – tha mjeku.
Diskutime rreth kësaj post