Tërmeti i fuqishëm 5.6 ballësh godet Turqinë, ja ku ishte epiqendra

Një seri termetesh, më i fuqishmi 5.6 ballësh, dridhën qarkun Datça në provincën Muala, njoftoi Agjensia për Katastrofa e Turqisë. Tërmeti goditi rajonin e mesdhetar të Turqisë të martën herët, raporton AA.

Drejtoria e Menaxhimit të Fatkeqësive dhe Emergjencave (AFAD) tha se tërmeti goditi brigjet e qarkut Datça në provincën jug-perëndimore të Turqisë, Muala, në orën 02:22 të mëngjesit sipas kohës lokale (23:22 sipas kohës të Evropës Qendrore).

Epiqendra u regjistrua 5.8 kilometra nën sipërfaqe. Nuk raportohet për viktima.

Agjencia shtoi më vonë se një total prej gjashtë tërmeteve me magnitudë nga 4.1 deri në 5.6 ndodhën në Mesdhe të martën.