Prej orës 08.00 të kësaj të diele, ndërsa në Tiranë, protestohet pas shembjes së Teatrit Kombëtar, duket se ministria e brendshme ka marrë masat që të pengojë hyrjen e qytetarëve drejt kryeqytetit.
Me urdhër të Policisë së Shtetit është mbyllur qarkullimi drejt Tiranës në Elbasan, Fier, Kukës dhe Durrës.
Duke shfrytëzuar karantinën që ndodhet vendi dhe kufizimet e lëvizjes, policia ka bllokuar tërësisht qarkullimin.
Janë vendosur barriera në kryqëzime, gjë që nuk ka ndodhur ditët e tjera të karantinës.
Në vendin e quajtur “Rrethrrotullimi i Bradasheshit ” në hyrje të autostradës Elbasan – “Tyneli i Krrabës-Tiranë” është ngritur një postbllok policor me shërbime të përforcuara pas një urdhëri të posaçëm të Ministrisë së Brendshme.
Pas ngritjes së këtij postblloku policor është paralizuar plotësisht qarkullimi i të gjitha llojeve të automjeteve drejt kryeqytetit.
Kryeministri Edi Rama e ka përdorur izolimin nga koronavirusi për të shkatërruar Teatrin Kombëtar dhe demokracinë në vend.
Diskutime rreth kësaj post