Pedagogu dhe ish-deputeti Mark Marku, e ka cilësuar të pasinqertë ftesën e kryeministrit Rama për tryezë me kreun e opozitës dhe presidentin, lidhur me vijimin e procesit të anëtarësimit në BE dhe plotësimin e 15 kushteve.
“Presidentin e ka propozuar për shkarkim, opozitës i ka vjedh zgjedhjet para një viti. E dyta fliste për unitet kombëtar. BE nuk ka kërkuar unitet kombëtar. 15 kërkesat kanë në thelb: shtet ligjor, luftë kundër korrupsionit, hetim i manipulimit të zgjedhjeve dhe reforma zgjedhore. Përjashto reformën zgjedhore, të gjitha këto varen nga Rama dhe janë pasoja e qeverisjes së Ramës”, u shpreh ish-deputeti.
I pyetur në emisionin “Opinion”, nëse sipas mendimit të tij, Basha duhet ta pranojë ftesën, Marku tha:
“Për mendimin tim duhet të pranojë nëse Rama pranon disa kushte. Të japë llogari për zgjedhjet, të japë llogari për kriminalizimin dhe kanabizimin e vendit. Duhet të japë llogari për shkatërrimin e çdo institucioni kushtetues”. – tha ish-deputeti.
Diskutime rreth kësaj post