Aty ku lindi koronavirusi u mendua që po kthehet në normalitet pas rihapjes së aktiviteteve, por Kina ka marrë përsëri vendimin ta mbtllë qytetin Shulan, pasi ka shënuar rritje të numrit të të infektuarve.
Në qytet u konfimruan 11 raste të reja gjatë ditës së kaluar, të gjitha të lidhura me një grua të infektuar e cila punonte në një lavanderi, thanë mediat shtetërore.
Pacientja 45-vjeçare, e cila ka infektuar burrin e saj, motrat dhe disa anëtarë të tjerë të familjes, thuhet se nuk ka pasur histori udhëtimi së fundmi, shkruan BBC.
Të gjitha vendet publike nëpër qytet janë mbyllur dhe banorëve u është thënë të qëndrojnë në shtëpi. Transporti publik është pezulluar dhe qyteti i Shulan është klasifikuar si vend me rrezik të lartë për përhapjen e virusit.
Shulan është në provincën Jilin, dhe ndodhet në kufirin me Korenë e Veriut, e cila pretendon se nuk ka raste me Covid-19.
Virusi vdekjeprurës u shfaq për herë të parë në qytetin kinez të Wuhan në fund të vitit 2019.
Deri më tani në Kinë janë shënuar 4,669 viktima nga Covid-19 dhe janë regjistruar 82,918 të infektuar.
Diskutime rreth kësaj post