Është aluduar ditët e fundit për një paqe midis Ilir Metës dhe Edi Ramës që do të shkojë përtej situatës me pandeminë e koronavirusit.
Ministrja e Shtetit për marrëdhëniet me parlamentin, Elisa Spiropali tha se marrëdhënie si normale në një kohë pandemie ku fokusi kryesor është mbrojtja e qytetarit dhe jo aksionet politike.
Spiropali është një nga personat që e ka sulmuar më së shumti Presidentin Meta, por këto sulme kanë ndaluar që me ‘paqen e re institucionale’ të ndodhur këto dy muaj qeveri-president.
“Ne nuk jemi në festë apo situatë normale por në një kohë pandemie ku politika i lë mënjanë përplasjet institucionale për të gjetur zgjidhje për situata aktuale. Unë nuk i heq asnjë presje deklaratave të mëparshme ashtu si mazhoranca nuk ndryshon qëndrim për reformën në drejtësi dhe atë zgjedhore, por në këtë rast u bashkuam për të gjetur gjuhën e përbashkët për të mos dëmtuar popullin.
A do ketë amnisti për presidentin? Ne nuk kemi tagrin për të bërë amnisti dhe as qëllimin që të gjejmë zgjidhje aty ku problemet janë evidente. Jemi të gatshëm të bashkëpunime me të gjitha faktorët politik përfshirë dhe presidentin, por ky problem ka lindur kur ai shkeli rënd Kushtetutën.
Nuk është koha për të diskutuar për hetimin e presidentit ku komisioni për hetimin e tij do të bëjë detyrën dhe jap vendimin në kohën e duhur, nuk është koha tani të përgjigjemi për sjelljet e presidentit në një kohë të kaluara. Merremi me pandeminë fillimisht” tha Spiropali për Report Tv.
Diskutime rreth kësaj post