“Ishte operacion shumë i vështirë”, ministrja Manastirliu ndan lajmin e gëzueshëm për një tjetër sukses të mjekëve të QSUT

Ministrja e Shëndetësisë, Ogerta Manastirliu ka njoftuar një tjetër sukses në QSUT, ku ndërhyrje e rrallë në zemër te një foshnje ka shkuar mirë.

Statusi i Manastirliut:

“Një ndërhyrje e rrallë në zemër, që kryhet veçse në klinikat më të mira të kardiokirurgjisë në Botë është realizuar sot në #QSUT falë talentit dhe eksperiencës të dr. Altin Veshtit, dr. Arben Baboçit dhe anestezistëve dr. Saimir Kuçi dhe dr. Alfred Ibrahimi!

Operacioni tejet i vështirë, i këmbimit arterial në zemrën e një të porsalinduri, u bë i mundur me një metodë të re bashkëkohore të realizuar me sukses nga mjekët tanë!

Edhe në kohë pandemie, ekipi i #kardiokirurgjisë në QSUT, është në vijën e parë për të shpëtuar jetë???

Shërbimi shëndetësor nuk ka ndalur për asnjë moment, për t’i garantuar qytetarëve shërbimet për të cilat ata kanë nevojë, në kohë dhe me cilësi, nga stafi i kualifikuar i spitaleve tona!

#BASHKË” – ka shkruar Manastirliu.