Italia do të rifillojë aktivitetet e prodhimit në 4 maj, por shkollat hapen vetëm në shtator. “Tani jemi duke punuar për të lejuar hapjen e një pjese të mirë të punëve nga prodhimi në ndërtim që nga 4 maji”, tha sot kryeministri italian Giuseppe Conte.
Ai gjithashtu shtoi se masat e zvogëlimit të kufizimit do të paraqiten jo më vonë se në fillim të javës tjetër.
Ai theksoi se kompanitë do të duhet të kenë rregulla të rrepta të higjienës përpara se të lejohen të hapen. Ai shtoi se disa degë, të konsideruara “strategjike” dhe të orientuara nga eksporti, mund të fillojnë të funksionojnë qysh në javën e ardhshme.
Sa për shkollat, kryeministri italian tha se rreziku i infektimit nëse hapen do të ishte i lartë. Ai gjithashtu theksoi se mësimi në distancë funksionon mjaft mirë.
Kujtojmë që Italia është vendi i parë evropian që u prek rëndë nga koronavirusi dhe i pari që futi masa të rrepta lëvizjeje në mars dhe mbylli gjithçka.
Diskutime rreth kësaj post