Mjeku Arben Gjata shprehet se në Shqipëri kemi shifra më të mira sesa parashikimet më pozitive që u folën në fillim. Sipas tij në fillim të epidemisë prisnim shifra të tjera.
Më tej, Gjata tha se vendi ynë e ka kaluar pikun e infeksionit por duhet shumë kujdes me hapjen e masave pasi goditja e dytë mund të jetë më e fortë se e para.
“Jemi më mirë sesa skenari më i mirë që kishim parashikuar. Në fillim të epidemisë, prisnim disa shifra të tjera, por falë masave dhe ndërgjegjësimit të popullatës, kemi shifra më të mira sesa parashikimet më pozitive që kemi patur”, u shpreh Gjata në A2.
“Kemi dy spitale Covid dhe kishim parashikuar edhe dy godina të tjera. Sot, mund të mbaheshim edhe vetëm me një spital. Besoj që e kemi kaluar pikun, por nuk jemi kurrë të sigurt që me rihapjen e aktiviteteve të mos marrim një goditje tjetër që të mos jetë shumë më e rëndë se e para”, përmbylli mjeku Arben Gjata.
Diskutime rreth kësaj post