Parashikimi i biologut Ethem Ruka jep shpresa të mëdha për shqiptarët dhe është shumë afër dita: Ja kur pritet të shuhet pandemia

Me anë të një postimi në rrjetin social, profesori i njohur Ethem Ruka, biolog, ka publikuar disa të dhëna interesante lidhur me covid 19 në Shqipëri. Ai paraqet grafikisht se si ka evoluar numri i të infektuarve dhe të shëruarve, shprehur në përqindje, nga data 9 mars deri më 14 prill.

Sipas parashikimit të tij, nëse ecet me këtë ritëm, pandemia mund të shuhet pas dy javësh.

Ethem Ruka shkruan:

“Sic shihet % e të sëmurëve nga virus me kurorë (kolonat ngjyrë blu) ka ardhur gradualisht duke rënë ndërsa ajo e të shëruarve (kolonet me ngjyrë të kuqe) gradualisht duke u rritur.

Pika kritike u arrit më 12 prill kur përqindja e të sëmurve dhe ajo e të sheruarve u bë 50% me 50%. Pas kësaj date % e të shëruarve fillon të bëhet më e madhe se ajo e të sëmurëve.

Ritmi i përmiresimit luhatet nga 2%-3% për cdo ditë. Kjo do të thote se,
teorikisht nëse do të ecet me këtë ritëm, pandemia duhet të shuhet pas 2 javësh. Ky është vetem një parashikim teorik nisur nga ecuria e kurbave të pakten për javen e fundit. I gjithë ky model përmbyset nëse nuk vazhdohet ky sistem karantinimi. JU FTOJ TE JEPNI MENDIMIN TUAJ DUKE KOMENTUAR SHKURT!

Shenim: Të dhënat e mëposhtme janë personale dhe jo zyrtare”, sqaron profesori.