Eksperti i shëndetësisë, Erion Dasho teksa komentoi situatën nga koronavirusi në vendin tonë thotë se masat nuk duhet të jene unike, por të jenë inteligjente.
“Në Shqipëri, fatmirësisht situata duket se është nën kontroll dhe ne kemi një numër raste ditore, i cili është plotësisht i përballueshëm për sistemin tonë shëndetësor. Në çdo vend, numri i rasteve të raportuara tregon vetëm majën e ajsbergut. 80 përqind e rasteve kalojnë pa simptoma ose me simptoma të lehta.
Askush nuk e sheh në numra të raportuara këtë pamje. Numri i rasteve mund të jetë deri në 20 herë më i lartë se ai që shihet. Por ajo që ne shohim janë spitalet. Ne kemi shtretër rezervë për pacientët dhe kjo flet se situata është nën kontroll”.-tha ai për A2.
Sa i përket situatës në Shkodër, atje ku një ditë më parë u raportuan 13 raste, eksperti i shëndetit publik theksoi se edhe në këtë qytetet situata nuk mund të quhet alarmante.
“Çdo vdekje me koronavirus raportohet në OBSH, por udhëzimet që vijnë nga OBSH kanë edhe detaje të tjera. Kryesorja, në rastin e Shkodrës, është se masat nuk duhet të shikohen si të veçuara. Rritja e numrit të rasteve në Shkodër tregon që ka nevojë për masa urgjence, por situata nuk është alarmuese edhe në këtë qytet”.
Diskutime rreth kësaj post