Ish-ministri i Shëndetësisë, Tritan Shehu thotë se në Shqipëri ka ardhur momenti që të bëhet testimi imunologjik i popullsisë. Në një intervistë për Ora News, Shehu tha se kjo është strategji e përcaktuar nga OBSH dhe që po ndiqet në shumë vende të botës.
Testimi imunologjik tha Shehu bëhet me një kosto shumë të ulët dhe në të gjithë laboratorët e vendit.
“Ka një orientim të qartë të OBSH që thotë në këtë fazë që jemi duket të dalim faza pasive e përballje me virusin dhe duhet të futemi në fazën aktive të saj, që është test, identifikim, izolim, mjekim dhe do na çoje gradualisht në këtë mënyrë në përcaktimin e vatrave dhe pastaj drejt hapjes së karantinës gradualisht, jo në mënyrë aventureske, jo me urdhra qeveritare, por me strategji të bazuar në atë të OBSH.
Kjo behet shumë thjesht dhe me një kosto shumë të ulët. Sot kostoja më e lartë e testeve të tilla për këtë gjë është 7-7.5 dollarë për kite. Kjo bëhet në të gjitha laboratorët e Shqipërisë, sepse nuk ka nevojë për PCR, nuk ka nevojë për elementë speciale dhe të përcaktohet niveli i imunizimit. Gjermania, nga e hëna do të kapërcejë numrin e testeve deri në 500 mijë në javë dhe do të fillojë fushatën për një identifikim horizontal të popullsisë për nivelin e imunologjisë dhe pastaj do të fillojë hapjen graduale të karantinës.
Greqia e ka ndarë vendin në 500 zona, ka krijuar 500 grupe ad hoc që do të bëjnë testimin e popullsisë përpara se të vendosin masa të tjera. Kjo do të bëhet edhe në SHBA, ku ka filluar investigimi horizontal për të dy elementët edhe për elementin me tampon, edhe për atë më gjak, përpara se të marrin vendime të tjera. Ne i bëjmë gjërat në mënyrë aventureske, marrim vendime që asnjëri nuk mund të thotë ku do na çojnë nesër.
Shqipëria është vendi me testim të ulët në Botë dhe nuk ka marrë asnjë përgatitje deri më sot për të filluar testimin imunologjik, i cili është shumë i rëndësishëm veçanërisht në fazën që ne jemi, përpara se të bëjmë hapjen e karantinës” – tha Shehu.
Diskutime rreth kësaj post