Organizata Botërore e Shëndetësisë ka deklaruar se epidemia e koronavirusit në Spanjë “ka nisur të ngadalësohet”, edhe pse numri i të infektuarve dhe viktimave në vend vazhdon të jetë i lartë.
Dr. Bruce Aylëard, këshilltar i drejtuesit të përgjithshëm të OBSH, është shprehur pasi ka vizituar Spanjën se është ende herët për të qenë optimist, por “kriza përfundimisht është duke u ngadalësuar.”
Gjithsesi bilanci i sotëm nuk ishte aspak premtues, brenda 24 orëve vendi regjistroi 6,180 raste të reja, shifra më e lartë e regjistruar në katër ditë, duke e çuar totalin në 146,690.
Ndërsa, brenda 24 orëve, betejën më koronavirusin në vend e humbën 757 persona duke bërë që numri total i viktimave të shkojë në 14,555.
Diskutime rreth kësaj post