Brenda 24 orëve të fundit në vendin tonë janë konfirmuar 17 raste të reja me COVID-19 ndërsa numri total i të prekurve shkon në 400. Sipas të dhënave që publikuara nga Ministria e Shëndetësisë, gjatë 24 orëve të fundit janë shëruar 23 persona ndërsa numri i personave që e kanë fituar betejën me virusin korona në të gjithë vendin është rritur në 154.
Ajo që bie në sy është numri në ulje i personave të shtruar në spital. MSH njoftoi se në shërbimin infektiv aktualisht janë 52 të shtruar, 5 prej tyre janë në terapi intensive.
Ndërsa në spitalin COVID 2 “Shefqet Ndroqi”, po marrin kujdes shëndetësor aktualisht 6 pacientë, prej tyre, 5 pacientë janë në terapi intensive, 1 në pavion, ndërsa 4 pacientë janë të intubuar. Pra në total, numri i pacientëve me koronavirus që janë të shtruar në spitale është 58.
Diskutime rreth kësaj post