Mjeku epidemiolog Alban Ylli, gjatë një interviste për Fax Neës ka folur sot për testimet që bëhen momentalisht ndaj personave të dyshuar me koronavirus si dhe debatin për shtimin ose jo të tyre.
Ai tha se për aq kohë sa mekanizmat e përdorura deri më tani po funskionojnë, nuk është e nevojshme për ndryshim strategjie, ndërsa pohoi se shtimi i testeve mund të bëhet në kohën kur merren masa të reja në lidhje me liridaljen nga karantina të qytetarëve.
Ai u pyet edhe për kohën që pritet zbehja e pandemisë për të cilën mendon se në mesin e Prillit do ë ketë një kurbë në rritje të rasteve por që pas kësaj faze, duke filluar nga gjysma e dytë e muajit në fjalë, do të ketë rënie të numrit të personave të infektuar.
“Më të mundshmit janë që në mesin e Prillit të shkojë një rritje e dëmeve por pas kësaj, presim një rënie. Nuk duhet ulur vigjilenca apo të krijojmë iluzione se gjithçka mbaroi. Masat të zbatohen se do të ishin një gabim i madh. Kemi ende vatra në Shqipëri që mund të shpërthejnë 50 raste në ditë pse jo”, tha Ylli.
Diskutime rreth kësaj post