E gjithë bota është mobilizuar për të bërë kërkime shkencore në lidhje me luftimin e koronavirusit i cili po na merr me mijëra jetë njerëzish.
Në veçanti, një grup shkencëtarësh australianë po kryejnë teste me ‘Ivermectin’, një ilaç që zakonisht përdoret për të trajtuar sëmundje të tjera Zika.
Sipas asaj që doli nga testet e tyre, duket se ata kanë arritur të provojnë se Ivermectin mund të vrasë virusin në 48 orë.
Në studimet për kulturën e qelizave të kryera nga Instituti i Biomjekësisë Discovery (BDI) në Universitetin Monash (Melbourne) në bashkëpunim me Institutin Doherty, u zbulua se ky ilaç (antiparasitik i disponueshëm në të gjithë botën dhe i njohur nga Agjensia e Drogave Amerikane) ia ka dalë mbanë për të eleminuar ngarkesën virale të koronavirusit në vetëm dy ditë.
“Ne zbuluam se edhe një dozë e vetme mund të eliminojë të gjithë ARN-in virale brenda 48 orëve dhe se kjo ngarkesë ulet në mënyrë të konsiderueshme brenda 24 orëve,” thanë studiuesit për agjencinë spanjolle të lajmeve, Europa Press.
Sidoqoftë, shkencëtarë pranuan se do të duhet më shumë kohë për të verifikuar efektivitetin e Ivermectin në mposhtjen e koronavirusit te njerëzit.
Ata thanë se “Tani duhet të përcaktojmë nëse doza që mund të përdoret tek njerëzit është efektive”.
Në rast se grupi i shkencëtarëve australianë mund të vërtetojnë dobinë e këtij ilaçi kundër Covid-19, kjo do të ishte një nga zbulimet më të rëndësishme në sektorin e mjekësisë në vitet e fundit.
Diskutime rreth kësaj post