Si të dimë që njerëzit humbin jetën nga koronavirusi, jo nga pleqëria apo sëmundje të tjera: Ekspertët u janë përgjigjur të gjitha pyetjeve

Në vrullin e pandemisë shumica pyesin sa për qind e viktimave të publikuara të coronavirusit realisht vdesin nga coronavirusi, jo nga pleqëria dhe sëmundjet e tjera

Hulumtimet e deritashme tregojnë që pleqëria dhe gjendja e keqe shëndetësore rrisin rrezikun për vdekshmëri nga coronavirusi, transmeton Telegrafi.

Është me rëndësi të theksohet që kjo nuk vlen domosdo për të gjitha sëmundjet infektive.

Si përcaktohet shkaktari i vdekjes?

Në rrethana të tilla mund të duket që lidhshmëria shkakësore e vdekjes nga coronavirusi te njerëzit e moshuar dhe të sëmurë është pyetësor. Mirëpo kjo nuk është edhe mu ashtu.

Në të vërtetë, ideja është që mjekoligjorët vlerësojnë që të sëmurët do të mbijetonin më gjatë po të mos ishin infektuar.

Ndonjë njeri mund të jetë i sëmurë onkologjik, por të infektohet me coronavirus, gjendja i përkeqësohet dhe ai vdes.

Në rastin e tillë përcaktohet që coronavirusi është shkaktari kryesor i vdekjes, përkatësisht, që pacienti do të kishte mundur vetëm me kancerin të mbijetonte edhe ndonjë vit po të mos ishte infektuar me coronavirus.

Ekziston baza “Health for All” (HFA), e cila ka indikatorë të përshkruar, ndërkaq interesi i tyre është shteti, kur këmbejnë informacione, kanë të njëjtin definicion dhe të njëjtën procedurë në grumbullimin e indikatorëve.

Kur thuhet që dikush ka vdekur nga koronavirusi?

Ajo procedurë duket kështu. Mjekoligjori e merr gjithë dokumentacionin dhe e shikon cili është shkaktari kryesor i vdekjes. Ai bashkë me të gjitha gjendjet të cilat i ka pasur i sëmuri vlerëson çfarë i ka kontribuuar vdekjes.

Në rrethanat e epidemisë nuk mund të bëhen obduksione të themelta çfarë bëhen kur ekziston ndonjë pyetje pa përgjigje, por e cila mund të ketë implikime të qarta.

Nëse njeriu vdes në dukje të parë i shëndetshëm në ndonjë ambient, ndërkaq familja dëshiron të dijë shkaktarin, sepse dyshon që ndoshta është i helmuar apo është i lënë pa kujdes, gjithsesi do të bëhet obduksioni.

Në rastin e pandemisë së koronavirusit shumë shtete kanë rekomanduar që të mos bëhen obduksionet e pacientëve për të cilët është dëshmuar që janë pozitivë ndaj coronavirusit, sepse rreziqet për njerëzit dhe ambientin janë më të mëdha se dobitë të cilat do të merreshin me atë informacion.

Në rrethana të tilla është e pakuptimtë që të hulumtohen dhe të regjistrohen të gjitha simptomat e tjera të mundshme.

Veç kësaj, sot klinikët kanë mjaft shenja klinike të cilat janë specifike për të ditur a është coronavirusi problemi kryesor.

Mundësia për të gabuar është shumë e vogël

Shumica e njerëzve të cilët vdesin nga coronavirusi kanë probleme respiratore dhe pengesa në frymëmarrje.

Kur dikush vdes për shkak të infarktit apo sulmit në tru në neurokirurgji, mjekoligjori me siguri nuk do të përshkruajë që ka vdekur nga coronavirusi vetëm pse ka qenë pozitiv në test.

Vetë fakti që të sëmurët rëndë shkojnë për shërim në qendra respiratore dhe u janë të nevojshëm respiratorët flet që ngecja është e lidhur në vend të parë me mushkëritë.

Simptoma kryesore është progresi i vështirë i sëmundjes, përkatësisht sindroma e rëndë akute respiratore.