Inteligjenca amerikane thotë se Kina ka gënjyer për përmasat e vërteta të koronavirusit. Në një raport të klasifikuar, që i është dërguar Shtëpisë së Bardhë, thuhet se mashtrimi i kinezëve ka qenë i qëllimshëm.
Raporti u citua fillimisht nga agjencia Bloomberg, që i referohej tre oficerëve të inteligjencës amerikane. Ata thanë se kanë paralajmëruar Shtëpinë e Bardhë për manipulimet me shifrat.
Sipas medieve amerikane, vendimi i Kinës për të manipuluar numrat mund të ketë pasoja fatale për pjesën tjetër të botës. Zyrtarët e lartë amerikanë thonë se të dhënat që ka prezantuar Kina kanë ndikuar në analizat që kanë bërë vendet e tjera për koronavirusin.
Ekspertët thonë se duke u bazuar te këto të dhëna, rreziku nuk dukej shumë i madh. Në SHBA janë shtuar zërat që kërkojnë nga Kina të mbajë llogari për këtë çështje.
Diskutime rreth kësaj post