Kur mund të rifillojë jeta normale në Shqipëri? Përgjigjet Manastirliu

Ministrja e Shëndetësisë Ogerta Manastirliu shprehet se situata në Shqipëri ndaj koronavirusit është komplekse dhe nuk ka zgjidhje të lehta.

Ajo tha se është shumë shpejt të flasim se kur do të hiqen masat. Sipas saj situata është dinamike.

“Situata është komplekse, nuk ka zgjidhje të lehta. Nëse nuk do të kishim marrë masat spitalet do të ishin të mbingarkuara. Nuk mund të flasim kur do të hiqen masat, jemi shumë shpejt për të folur, situata është shumë dinamike” tha ajo.