Punon me orare të zgjatura me personat e infektuar nga koronavirusi, infermierja ka një paralajmërim për të gjithë ne

Një infermiere që po trajton pacientët me koronavirus është shprehur se sytë e skuqur mund të jenë një shenjë paralajmëruese për COVID-19.

Chelsey Earnest, infermiere e një qendre shëndetësore në Kirkland, epiqendra e epidemisë në Uashington, është shprehur për CNN se “sytë e kuq” ishin shenja e vetme që të gjithë të sëmurët me Covid-19 kishin të përbashkët.

Duke folur për eksperiencën e saj ajo tregoi:

“Është diçka që e pashë tek të gjithë pacientët. Sytë e tyre ngjanin sikur të kishin alergji. Pjesa e bardhë e syve nuk ishte e skuqur. Më shumë dukej sikur kishin hije të kuqe jashtë syve.”

Qendrat për Kontrollin dhe Parandalimin e Sëmundjeve nuk i rendisin sytë e skuqur, ose ndonjë problem tjetër sysh, në listën e simptomave.

Simptomat e renditura janë temperatura, kolla dhe vështirësi në frymëmarrje. Dhimbja e vazhdueshme në kraharor si dhe nxirja e buzëve listohen si shenja emergjente.

Gjithsesi, Akademia Amerikane e Oftamologjisë lajmëroi ditën e diel se virusi mund të shkaktojë edhe inflamacion të membranës së qepallave.