Nuk ka paqe për pangolinin. Gjitari i vogël i koracuar kthehet edhe njëherë nën gjykim si përgjegjës, së bashku me lakuriqin e natës, për origjinën e SarsCoV2. Ai është marrë si objekt në një studim amerikan, nën drejtimin e Xiaojun Li i “Duke University”, i publikuar në “bioRxiv”, faqja ku ndahen artikuj shkencorë ende të parevizionuar për publikimin në një revistë zyrtare.
Sipas hulumtuesve, koronavirusi i pangolinëve kanë një gjenom tepër të ndryshëm nga SarsCoV2 për t’u konsideruar të afërm. Nga ana tjetër, sidoqoftë, ato do të përmbajnë një sekuencë me udhëzimet për të prodhuar “kokën e dashit”, (e quajtur Rbm), që lidh receptorin Ace2 të qelizave njerëzore: kjo sekuencë gjenetike është e pranishme në koronavirusin njerëzor dhe jo në koronaviruset e lakuriqit të natës, të konsideruar të afërm më të afërt të SarsCoV2. Nga ky këndvështrim do të ishte e pranueshme që koronaviruset e lakuriqit të natës fituan sekuencën Rbm përmes rikombinimit me koronaviruset pangolin.
Studimi nuk bind studiuesit Italian Massimo Ciccozzi: “Të thuash se gjenomet e virusit janë të ndryshëm por ngjasojnë në një sekuencë të vogël, është si të thuash se dy persona janë binjakë duke u bazuar vetëm te ngjyra e flokëve. Ciccozzi dhe grupi i tij i ekspertëve ka studiuar evolucionin gjenetik të SarsCoV2, duke arritur në përfundimin se origjina duhet kërkuar te lakuriqi i natës.”
Sipas ekspertëve, të kuptosh origjinën e SarCoV2 mund të ndihmojë për të evituar që koronaviruse të tjerë të bëjnë kapërcimin nga specia duke vënë në rrezik shëndetin e njeriut.
Diskutime rreth kësaj post