Rama njofton oraret e reja të lëvizjes për punonjësit dhe qytetarët

Kryeministri Edi Rama ka njoftuar se nuk ka asnjë kufizim në lëvizjen e atyre që transportojnë mallra për të furnizuar tregun me ushqime.

Nga e hëna hyn në fuqi orari i ri i qarkullimit për punonjësit dhe qytetarët që duan të bëjnë pazar.

Orari 5:00 – 13:00 kufizon brenda kësaj fashe vetëm qytetarët dhe punonjësit në sektorin publik apo privat, dhe jo transportin e mallrave.

Njoftimi i Ramës

Në përgjigje të shqetësimeve tuaja mbi lëvizjen për transport dhe furnizim mallrash ushqimore:

🔴 TË GJITHË ATA QË PRODHOJNË DHE TRANSPORTOJNË USHQIME, NË FSHAT A NË QYTET, NUK KANË PASUR DHE NUK KANË ASNJË KUFIZIM NË LËVIZJEN E MALLIT PËR TË KRYER FURNIZIMET E NEVOJSHME TË TREGUT!

🔴 ORARI 05.00 – 13.00 KUFIZON BRENDA KËSAJ FASHE KOHORE KONSUMATORËT DHE PUNONJËSIT NË SEKTORIN PUBLIK APO PRIVAT QË DALIN AKOMA NË PUNË, JO TRANSPORTIN DHE FURNIZIMIN E MALLRAVE USHQIMORE!

🔴 MIRËNJOHJE TË GJITHË PRODHUESVE, TRANSPORTUESVE DHE FURNIZUESVE TË MALLRAVE USHQIMORE, NË FSHAT E NË QYTET, QË JANË SOT GARANTËT E MËDHENJ TË REZISTENCËS POPULLORE🙏