Një pacient në Aosta, Itali, mund të dënohet me 12 vite burg pasi fshehu faktin se ishte me koronavirus duke infektuar kështu dhe 3 mjekë. Ai kishte disa simptoma të gripit për disa ditë dhe ka rënë në kontakt me njerëz nga shpërthimi i koronavirusit, por ai nuk u tha asgjë mjekëve të spitalit “Parini” në Aosta që duhet ta operonin.
Ai arriti në dhomën e paraveprimit dhe atje anestezisti vërejti një rritje të temperaturës. Pacienti iu nënshtrua tamponit të provës dhe testi doli pozitiv për Covid-19.
Kryekirurgu, infermierja dhe një anestezist u diagnostikuan me COVID-19, të infektuar prej pacientit.
Ai kishte punuar përpara pak javëve në një resort turistik në Aosta ku ka pasur kontakte me shumë persona nga Lombardia.
Sipas mediave italiane, ai nuk i kishte raportuar simptomat pasi nuk donte që ndërhyrja e tij kirurgjikale të shtyhej. Me këtë vendim ai vuri në rrezik jetën e të gjithë stafit mjekësor.
Diskutime rreth kësaj post