Presidenti i SHBA Donald Trump thotë kriza e shkaktuar nga virusi Covid-19 mund të zgjasë deri në korrik apo gusht të këtij viti.
“Nëse bëjmë një punë shumë të mirë, jo vetëm vdekjet do jenë në numër të vogël, por njerëzit po flasin për gorrik, gusht, kur “shpëlahet tej”, mua nuk më pëlqen ky term, por njerëzit thonë se do marrë fund në atë periudhë”, u shpreh Trump.
Në një deklaratë për media, Trump tha se SHBA ka marrë masa që mund të ngjajnë ekstreme por janë të nevojshme, për të mbajtur të ulët numrin e të infektuarve me koronavirus.
“Vepruam shumë shpejt, mbyllëm kufijtë, ndryshe do të kishim shifra tepër të larta. Shikoni Italinë. SHBA do të jetë rasti më i mirë, jo rasti më i keq”, tha Trump.
Trump tha se autoritetet amerikane disponojnë një numët të madh pajisjesh mjekësore për të luftuar koronavirusin por ato mund të mos jenë të mjaftueshme, ndaj qeveria ka porositur edhe shumë pajisje të tjera si respiratorë dhe maska.
Diskutime rreth kësaj post