Ish-ministri i Drejtësisë, Ylli Manjani nëpërmjet një postimi në rrjetet sociale ka shpërthyer ndaj vendimit të qeverisë për të bllokuar qarkullimin e makinave private. Manjani bie dakord me bllokimin e qarkullimit urban, por të bllokosh makinat private është më keq se sa të ecësh në këmbë.
“I gjithë trafiku i makinave të Tiranës, Durrësit e gjithë Shqipërisë nuk dëmton aq sa stërkalat e një tështime apo kolle në rrugë. Le pastaj të një qyrreje apo gëlboqe që hidhen me shumicë nga njerëzit.
Virusi përhapet nga njeriu tek njeriu dhe jo nga makina tek makina. As nga makina tek njeriu.
E kuptoj llogjikën e ndalimit të transportit publik si vendgrumbullim njerëzish, por ndalimin e trafikut për mjetet lëvizëse individuale jo. Është krejt pa lidhje llogjike me masat mjeksore që ka nevojë të ndërmerren!
Kur njeriu del nga shtëpia e tij dhe futet në makinën e tij, për të shkuar në destinacionin që ka nevojë të shkojë, nuk i shkakton dëm askujt, sa çmund të shkaktojë një kalimtar që tështin, pështyn apo kollitet në rrugë.
Nevoja për vetizolim nëpër shtëpi është e madhe, por njerëzit edhe kanë nevojë të shkojnë në punë apo të kryejnë ndonjë punë.
Llogjikisht duhet të ishte e kundërta. Pra ku ta gjesh që të dalin me makina, sepse janë të izoluar në lëvizjen që bëjnë.
Nejse, i ka ardhur dita të shpalosë atë që ka ëndërruar gjithmonë: të bëjë zap njerëzit masivisht.
Por do vdesë edhe virusi…”, – shkruan Manjani.
Diskutime rreth kësaj post