Koronavirusi mund të mbyll bankat? Flet Guvernatori Gent Sejko

Pas situatës së krijuar nga koronavirusi në Shqipëri, Guvernatori i Bankës së Shqipërisë, Gent Sejko sqaroi se do të shtyhen me tre muaj këstet e kredive dhe se nuk do të falen kreditë, por vetëm interesat.

Sejko është shprehur se koronavirusi pritet të sjellë ndikim negativ në ekonomi, por jo recesion.

Gjatë një lidhje telefonike për News24, Sejko u pyet nëse përkeqësimi i situatës do të sillte mbyllje të bankave, Sejko u përgjigj se një skenarë i tillë nuk është parashikuar, por se vendimi varet nga masat që do të marri komiteti i emergjencave të qeverisë.

Po ashtu Guvernatori Sejko sqaroi se bankat do të mbyllen ditën e nesërme, por puna do të vijojë normalisht të martën.

“Këstet e kredive do shtyhen me tre muaj. Bankat do të jenë disponibël ku bëhet fjalë për ata klientë, biznese që mund të kenë probleme financiare. Është një shtyrje, falje interesash, por jo falej e kredisë. Do marrim masa që të funksionojë aktiviteti të funksionojë jeta, por edhe që të mbrojmë nga shpërndarja e infektimit“, tha Sejko.

Pjesë nga intervista:

Mund të shkojë deri në mbylljen e bankave?

Sejko: Kjo varet nga masat që do të marri komiteti i emergjencave të qeverisë, nuk parashikojë të shkojmë deri atje, por asgjë nuk mund të them me siguri deri tani, por nuk besoj të arrimë deri në atë nivel. Deri tani nuk kemi asnjë punonjës të prekur nga koronavirusi, nuk kemi informacion që të kemi një nga punonjësit e bankave të nivelit të dytë, apo në Bankën e Shqipërisë, e rëndësishëm të respektojmë masat bazike, të rëndësishme për të shmangur përhapjen e koronavirusit.

Ne kemi filluar të analizojmë efektet ndikimit të kësaj situate. Ekonomia do ketë efekte negative natyrisht. Ekonomia do të jetë efektet dhe pasojat e saj, do afektojë konsumin, kjo do sillte efektet e veta edhe tek prodhimi. Presim një sezon turistik dhe kjo gjendje do ët ndikonte edhe në turizëm. Por nuk parashikojmë që ekonomia do të bjerë në recesion. Po analizojmë skenarët momentalisht. Nuk shpresojmë mos të biem në recesion dhe nuk besoj që do të biem në recesion.

Do të mbyllen bankat nesër?

Sejko: Nesër është mirë të mbyllen bankat, ne kemi marrë masat që pagesat e keshit dhe online të bëhen pa problem, nuk ka ndonjë problem nëse bankat do të mbyllen nesër. Bankat do të jenë funksionale nga e marta. Halli nuk është situata financiare, por shëndeti. Situata është nën kontroll, po merren të gjitha masat për të parandaluar çdo lloj problematike.