Koronavirusi mbërtheu në pak kohë Europën. Ndërkohë që Italia është kthyer në vatër, disa shtete, përfshirë Shqipërinë ende nuk janë prekur nga koronavirusi.
Në situatë më kritike në Ballkan duket të jetë Greqia, e cila deri më tani ka konfirmuar 32 raste. Ndërsa shteti më i prekur në Evropë mbetet Italia me 149 viktima dhe pothuajse 4 mijë të infektuar.
Mediat italiane kanë përcjellë lajmin se në Shqipëri deri më tani nuk është verifikuar asnjë person i prekur nga koronavirus.
Drejtori i zyrës së OMS në Tiranë Raul Gonzales ka sqaruar se me studime të thelluara po përpiqen të kuptojnë motivin e këtij fakti.
Sipas tij në Shqipëri po kryhen kontrolle të vazhdueshme e ndër personat e dyshuar të gjithë kanë rezultuar negativë nga virusi.
Sidoqoftë , kontrollet vazhdojnë jo vetëm për ata që hyjnë rregullisht në Shqipëri, por edhe kundër emigrantëve të paligjshëm.
Ndërkohë në rang global numri i të infektuarve ka shkuar në mbi 100 mijë, ndërsa numri i viktimave ka arritur në 3,410.
Kina është vendi më i prekur nga koronavirusi në botë me 80 mijë e 500 të prekur, duke u ndjekur nga Koreja e Jugut dhe Irani.
Diskutime rreth kësaj post