Nëse keni bërë plane për fundjavën, bëni mirë të jeni të përgatitur, pasi moti nuk do te jete favorizues. Shërbimi Meteorologji Ushtarak parashikon një fundjavë me mot të vranët dhe reshje te vazhdueshme shiu. Kështu pritet të nisë e shtuna, por edhe dita e diele do të jetë po njësoj, gjatë të cilës nuk do të mungojnë shtrëngatat.
Parashikimi nga SH.M.U
Dita e shtunë do të nisë që në orët e para të 24 orëshit me mot të vranët dhe reshje shiu të herëpashershme me intensitet të ulët dhe mesatar ndërsa në zonën e jugut me intensitet deri të lartë. Duhet theksuar se në zonën e jugut, deri në orët e pasdites vonë, reshjet do të jenë me intensitet deri të lartë në formën e shtrëngatave me shkarkesa elektrike. Edhe për ditën e diel, pritet mot me vranësira mesatare dhe të dendura shoqëruar me reshje shiu të herëpashershme, me intensitet të ulët dhe mesatar në formën e shtrëngatave.
Ju urojmë një fundjavë të mbarë!
Diskutime rreth kësaj post