Ish-ministri i Bujqësisë, Edmond Panariti nëpërmjet një statusi në rrjetet sociale ka dalë në krahë të Presidentit Meta në lidhje me letrën që ai i drejtoi Komisionerit për Zgjerim.
Sipas Panaritit, Presidenti tha të vërtetën dhe kjo nuk bën gjë tjetër veçse ndihmon Shqipërinë për integrimin në Europë.
Mesazhi i Panaritit:
“Presidenti tha të vërtetën! Ajo është e hidhur por vetëm njohja dhe pranimi i saj do të na shpëtoj.
Letra e Presidentit drejtuar Komisionerit për zgjerimin, e ndihmon vendin për në Evropë dhe nuk e pengon atë! Gënjeshtrat, falsifikimet dhe lojërat e fjalës do të na mbajnë peng gjatë, siç na kanë mbajtur deri tani.
Të vërtetat e Presidentit dhe tonat!
Shkelja e rëndë e Kushtetutës nga shumica dhe përkatësisht e nenit 174 dhe e ligjit derivues mbi organizimin dhe funksionimin e gjykatës kushtetuese.
Shkelje të faktuara tashmë saktë dhe qartë, pa asnjë ekuivok!
Shkelje që i japin goditjen finale të sistemit, sepse “zaptojnë” majën e gjyqsorit ende te paprekur nga kalbëzimi i pushteteve të tjerë tashmë në një grusht të vetëm.
Këtë thotë dhe ka për detyrë të ndalojë që të ndodhë presidenti!
Sepse ai është aty për të ruajtur kushtetutën e cila sanksionon sistemin pluralist të demokracisë dhe ndarjen e pushteteve.
Njiheni dhe pranojeni të vërtetën, sepse ajo do t’ju shpëtojë, thuhet në Bibël!
Mos e përzje të vërtetën me falsifikim dhe mos e fshi të vërtetën, sidomos kur ti e di atë, thuhet në Kuran!” – shkruan Panariti.
Diskutime rreth kësaj post