Patozi zbulon pjesën më të errët të lëvizjes së Metës dhe nxjerr ‘blof’ presidentin: Të tregojë armikun

Kreu i Partisë Bindja Demokratike, Astrit Patozi ka folur letrën e Presidentit Meta dërguar Brukselit për të ndërhyrë, pasi sipas tij mazhoranca po thellon krizën duke synuar kapjen e Kushtetutës.

“Ilir Meta ka treguar se kur ka zi hesht, ndërsa kur ka dasëm merr çiften dhe nuk mund të gëzojë njeri”, tha Patozi.

A ka një mafia ndërkombëtare e cila synon ose mban një krah të caktuar politik?

Patozi: Kjo është pjesa më e errët e lëvizjes politike të Ilir Metës, i cili duhet ta shpjegojë. Ashtu siç jep emrat e puçistëve, të cilët i njohim me emra, kur thotë mafia ndërkombëtarë ka parasysh SHBA-të, të cilët i sheh në trajtën e ambasadorëve. Duhet ta ndajë mendjen, të thotë kush janë mafia ndërkombëtare, kush janë qeveritë. Të tregojë armikun.

Patozi theksoi se ndërkombëtarët kanë pasur gjithmonë tendencën të jenë pranë qeverive.

“Në rast se akuzat e Metës do ishin të qarta do të kishin ndërhyrë vetë. Fakti që nuk ka, do të thotë se situata nuk është kaq e rëndë.”